ທ່ານ ສຈ ປອ ກິແກ້ວ ໄຂຄຳພິທູນ

ທ່ານ ສຈ ປອ ກິແກ້ວ ໄຂຄຳພິທູນ, ກຳມະການກົົມການເມືອງສູນກາງພັກ, ຮອງນາຍົກ ລັດຖະ ມົນຕີພ້ອມດ້ວຍຄະນະ ລົງພົບປະໂອ້ລົມຕໍ່ຊາວຜູ້ອອກແຮງງານ ໃນໂອກາດສະເຫຼີມສະຫຼອງວັນກຳມະກອນ 01 ພຶດສະພາ ຄົບຮອບ 136 ປີ ເຂດພັດທະນາກວມລວມໄຊເຊດຖາ

ໃນຕອນເຊົ້າວັນທີ 31 ພືດສະພາ 2022 ທີ່ຜ່ານມາ ທ່ານ ສຈ ປອ ກິແກ້ວ ໄຂຄຳພິທູນ, ກຳມະການກົົມການເມືອງສູນກາງພັກ, ຮອງນາຍົກລັດຖະມົນຕີ ພ້ອມດ້ວຍຄະນະນໍາຈາກສູນກາງສະຫະພັນກຳມະບານລາວ, ກະ ຊວງແຜນການ ແລະ ການລົງທຶນ, ກະຊວງແຮງງານ ແລະ ສະຫວັດດີການສັງຄົມ ແລະ ພາກສ່ວນທີ່ກ່ຽວຂ້ອງ ໄດ້ເດີນທາງລົງຢ້ຽມຢາມ ແລະ ພົບປະແຮງງານຢູ່ ບໍລິສັດ ໂຮຢາລາວ ຈໍາກັດ, ເຂດພັດທະນາກວມລວມໄຊເຊດຖາ ນະ ຄອນຫຼວງວຽງຈັນ.

ໃນໂອກາດນີ້, ທ່ານ ນາງ ສົມທະຫວິນ ຈັນທະລາດ ອໍານວຍການ ບໍລິສັດໂຮຢາ ລາວ ຈໍາກັດ ບາງຕອນວ່າ: ບໍລິສັດໄດ້ສ້າງຕັ້ງຂຶ້ນໃນປີ 2018 ຢູ່ເຂດພັດທະນາກວມລວມໄຊເຊດຖາ ນະຄອນຫຼວງວຽງຈັນ ເປັນບໍລິສັດໃນເຄືອຂອງ ບໍລິສັດ ໂຮຢາກຼຸບ ໂດຍເປັນບໍລິສັດຜະລິດແຜ່ນແກ້ວບັນທຶກຂໍ້ມູນຂອງຮາສດີ້ດ ສໍາລັບເຊີບເວີ້ທີ່ບັນທຶກຂໍ້ມູນ ໄດ້ເລີ່ມເຮັດການກໍ່ສ້າງໃນປີ 2019 ແລະ ເລີ່ມຜະລິດສົ່ງອອກໄປຕ່າງປະເທດໃນປີ 2020 ບໍລິສັດໄດ້ຜະລິດສິນຄ້າ ແລະ ສົ່ງອອກໜຶ່ງຮ້ອຍເປີເຊັນ, ປັດຈຸບັນພະນັກງານພາຍໃນບໍລິສັດມີທັງໝົດ 2.206 ຄົນ, ຊາຍ 877 ຄົນ ຍິງ 1.325 ຄົນ; ໃນປີທໍາອິດໄດ້ສົ່ງພະນັກງານຈໍານວນ 120 ຄົນ ໄປຝຶກງານທີ່ປະເທດໄທ ແລະ ປະເທດຫວຽດນາມ ເປັນໄລຍະເວລາ 6 ເດືອນ ເພື່ອຝຶກສອນອົບຮົມແນະນໍາໃຫ້ພະນັກງານມີຄວາມຮູ້ຄວາມເຂົ້າໃຈໃນວຽກງານ ເພື່ອນໍາເອົາບົດຮຽນມາປະຕິບັດພາຍໃນບໍລິສັດ, ໃນດ້ານສະຫວັດດີການ ແລະ ການເບິ່ງແຍງພະນັກງານພາຍໃນບໍລິສັດ ແມ່ນໄດ້ຮັບສະຫວັດດີການຈາກບໍລິສັດເທົ່າທຽມກັນໂດຍບໍ່ໄດ້ແບ່ງແຍກເພດ ເຊື້ອຊາດ ນອກ       ເໜືອຈາກສະຫວັດດີການພື້ນຖານທີ່ກໍານົດໂດຍກົດໝາຍແລ້ວ ບໍລິສັດໄດ້ມີສະຫວັດດີການໃຫ້ເພີ່ມຕື່ມອີກ ເຊັ່ນ: ການປະກັນອຸບັດເຫດ, ຊຸດຢູນີຟອມໃນການເຮັດວຽກ, ອາຫານທ່ຽງ ທີ່ພັກເຊົາ, ຊ່ວຍເຫຼືອການເດີນທາງ ບໍລິການລົດຮັບສົ່ງພະນັກງານຈາກໃນນະຄອນຫຼວງວຽງຈັນ ມາຍັງບໍລິສັດ ແລະ ເງິນຊ່ວຍເຫຼືອງານແຕ່ງງານ ການເກີດລູກເປັນຕົ້ນ ແລະ ໃນປີຜ່ານມາໄດ້ມີການແຜ່ລະບາດຂອງເຊື້ອພະຍາດໂຄວິດ-19 ບໍລິສັດກໍໄດ້ມີມາດຕະການໃນການປ້ອງກັນ ແລະ ໄດ້ດໍາເນີນໃນການປ້ອງກັນຕັ້ງແຕ່ປີ 2019 ຈົນເຖິງປັດຈຸບັນ. ໃນການຮັບວັກຊິນປ້ອງກັນພະຍາດໂຄວິດ-19 ບໍລິສັດໄດ້ປະສານກັບໜ່ວຍງານທີ່ກ່ຽວຂ້ອງໄດ້ດໍາເນີນການສັກວັກຊິນໃຫ້ກັບພະນັກງານຕັ້ງແຕ່ເດືອນເມສາ 2021 ທີ່ຜ່ານມາ ປັດຈຸບັນພະນັກງານໄດ້ຮັບການສັກວັກຊິນຄົບ 4 ເຂັມ ຈໍານວນ 98% ຂອງພະນັກງານທັງໝົດ ຍັງເຫຼືອ 2% ຊຶ່ງເປັນແມ່ຍິງຖືພາ.

ໃນການພົບລົງພົບປະຄັ້ງນີ້ ທ່ານ ສຈ ປອ ກິແກ້ວ ໄຂຄໍາພິທູນ ໄດ້ກ່າວວ່າ ຊົມເຊີຍຕໍ່ການເຂົ້າມາລົງທຶນຂອງບໍລິສັດ ໂຮຢາລາວ ຈໍາກັດ ທີ່ສ້າງວຽກເຮັດງານທໍາໃຫ້ແກ່ແຮງງານລາວຫຼາຍພັນຄົນ, ເຖິງຢ່າງໃດກໍ່ຕາມໃນຍຸກແຫ່ງການເຊື່ອມໂຍງສາກົນ ທີ່ມີທັງສິງທ້າທາຍ ແລະ ກາລະໂອກາດ ສະນັ້ນ ມັນຈຶ່ງຮຽກຮ້ອງໃຫ້ກຳມະກອນຊາວຜູ້ອອກແຮງງານຂອງພວກເຮົາຕ້ອງໄດ້ຝຶກຝົນຫຼໍ່ຫຼອມ ຕົນເອງ ແລະ ເສີມຂະຫຍາຍມູນເຊື້ອສາມັກຄີອັນດີງາມຂອງຊາດ ໂດຍສະເພາະແມ່ນ ຄວາມສາມັກຄີຮັກເຊື້ອແພງຊາດຊ່ວຍເຫຼືອເຊິ່ງກັນ ແລະ ກັນ, ມູນເຊື້ອໃນການອອກແຮງງານດ້ວຍຄວາມດຸໝັ່ນຂະຫຍັນພຽງ ສ້າງສີມືແຮງງານຂອງຕົນໃຫ້ນັບມື້ດີຂຶ້ນ ແລະ ມູນເຊື່ອຕໍ່ສູ້ບໍ່ຍອມຈໍານົດຕໍ່ອຸປະສັກ ແລະ ຄວາມຫຍຸ້ງຍາກລໍາບາກນານາປະການ ເພື່ອຍົກລະດັບ ແລະ ຂີດຄວາມສາມາດຂຶ້ນສູ່ມາດຖານສາກົນ.

ສົ່ງຂໍ້ຄວາມ

ທີ່ຕັ້ງຫ້ອງການ